Opnunartímar

  • Fyrsti deildarfundurinn haldinn í kvöld mánudaginn 18.03.2024

    Þá er komið að fyrsta deildarfundi ársins. Þorkelshólshreppsdeildin hefur leik og hefst fundurinn klukkan 20.00 í Dæli, Víðidal

    Dagskrá deildarfundanna:

    1.venjuleg aðalfundarstörf deilda

    2. Önnur mál

    Aðalfundur Kaupfélagsins verður svo í Félagsheimilinu þriðjudaginn 09.apríl og verður dagskrá fundarins birt á heimasíðunni í byrjun apríl

    Allir eru hjartanlega velkomnir á fundina og vonumst við til að sjá sem flesta

    Kaupfélag Vestur Húnvetninga

  • Nýjustu fréttir KVH á fréttaveitu síðunnar

    Verið er að vinna að uppfærðu útliti á heimasíðu kaupfélagsins en við látum það ekki stoppa okkur og erum farin að setja inn fréttir KVH á síðuna. Þar til endanlegt útlit verður tilbúið er hægt að finna allar fréttirnar á fréttaveitunni, með því einfaldlega að smella á frétta hnappinn efst á síðunni.

    Við minnum svo á deildarfundina í næstu viku, páskaopnunina og breytta opnunartímann sem hefst í apríl.

    Starfsfólk Kvh

  • lokun frystiklefa

    Ágætu viðskiptavinir KVH

    Í áratugi hefur Kaupfélagið rekið frystigeymslur og leigt viðskiptavinum sínum. Þar er um að ræða frystihólfin í kjallara gamla sláturhússins sem fjölmargir íbúar hafa nýtt sér, svo og frysta á efri hæð, þar hafa bændur og aðrir getað geymt skrokka og fengið þá sagaða eftir þörfum.

    Megnið af þeim búnaði sem hefur verið nýttur til að halda frosti á þessum geymslum er margra áratuga gamall og frystilagnir sömuleiðis. Nú er ljóst að líftími þessa búnaðar er á enda. Rekstur þessara frystigeymslna hefur verið þungur og í raun hefur þessi þjónusta ekki staðið undir sér í langan tíma. Endurnýjun á tækjum og lögnum er, eins og gefur að skilja, ekki físileg við viðvarandi taprekstur enda má reikna með að kostnaður við endurnýjun hlaupi á tugum milljóna.

    Af þessum ástæðum hefur stjórn KVH tekið ákvörðum um að þessum frystum verði lokað eigi síðar en í lok þessa árs. Ekki verður tekið við kjötskrokkum í frysti frá sláturhúsi næsta haust en SKVH mun annast sögun fyrir sína viðskiptavini. Sömuleiðis verður ekki hægt að leigja hólf nema til áramóta. KVH hvetur notendur þessara frystigeymslna til að gera ráðstafanir í tíma, tíminn er jú fljótur að líða og eins og áður sagði mun KVH hætta þessari þjónustu í síðasta lagi um næstu áramót.

    Kaupfélagið útvegar frystikistur og frystiskápa m.a. frá Heimilistækjum, Ormsson og Smith & Norland.